Bang Media

Shakisha kuri Ino Site

Inama utari uzi ku mibonano mpuzabitsina

Ubufaransa: Uwahataniraga kuba Miss France yirukanywe azira gukina filime z’ubusambanyi

http://igitsina.topstories24.com

Umwe mu bakobwa 33 bahataniraga kuba Nyampinga w’u Bufaransa umwaka wa 2015 yirukanywe ku munota wa nyuma abateguye irushanwa bamaze kuvumbura ko yari asanzwe akina filime z’ubusambanyi kandi bihabanye n’umuco wagombaga kuranga buri mukobwa.

Ikinyamakuru Le Figaro cyatangaje ko inkuru y’uyu Nyampinga yasakaye mu bitangazamakuru nyuma yo kwambika ikamba Camille Cerf w’imyaka 19 y’amavuko wabaye Miss France 2015.
Uyu mukobwa wasezerewe mu irushanwa ntiyatangajwe izina gusa ni umwe mu bakobwa icyenda bari bahagarariye Grand Troyes.
Iki kinyamakuru cyatangaje ko hakorwa amajonjora mu gace ka Grand Troyes umukobwa yari yemerewe kwinjira mu irushanwa yasabwaga kuba ari ingaragu, atarabyaye, ari hagati y’imyaka 18 na 25 ndetse by’akarusho akaba atuye muri imwe mu makomine ahuriye muri Grand Troyes.
Nubwo akanama kari gashinzwe guhitamo Nyampinga w’u Bufaransa 2015 kemeje ko umwe bari bahagarariye Grand Troyes agomba kuvanwa mu irushanwa kubera ubusembwa bamusanganye, ibitangazamakuru biranenga iki cyemezo kuko mu byagenderwagaho bareba abujuje ibisabwa ,ingingo ivuga ko umukobwa wakinnye filime z’ubusambanyi atagomba kwemererwa ntiyigeze ishyirwamo.
Mu ijoro ryo ku itariki ya 5 Ukuboza 2014 habura amasaha make ngo Miss France 2015 amenyekane, nibwo akanama nkemurampaka kanzuye ko umwe mu bakobwa bari bahagarariye Grand Troyes asezerewe azira gukina filime z’ubusambanyi.
Uwo mukobwa amaze gushinjwa iryo kosa yemereye Claude Le Fèvre , umwe mu bari bagize akanama nkemurampaka, ko yakinaga izo filime gusa ngo yabikoze atabigambiriye ahubwo ngo yabitewe n’imyaka y’ubuto. Yagerageje gusaba imbabazi asaba kugumishwa mu irushanwa biba iby’ubusa arasezererwa.
Camille Cerf, ni we wegukanye ikamba rya Nyampinga w’u Bufaransa umwaka wa 2015, ni uwa 85 ugiye guhagararira iki gihugu, yiga mu mwaka wa kabiri mu ishuri Rikuru ry’Ubucuruzi rya Lille.
Camille Cerf usanzwe akora akazi ko kumurika imideli yatowe nyuma yo kuza ku isonga mu manota mu bakandida 33 barushanwaga.
Uwahataniraga kuba Miss France yirukanywe azira gukina filime z’ubusambanyi
Areshya na metero 1 na santimetero 80, yari asanzwe yambaye ikamba rya ‘Miss Nord-Pas-de-Calais’ ry’aho aturuka hitwa Coulogne, akaba ari na we nyampinga wa mbere ubaye uw’u Bufaransa yari asanzwe yambaye iri kamba rya ‘Miss Nord-Pas-de-Calais’.
Shyiraho Igitekerezo!

Related Posts by Categories



0 comments:

Post a Comment