Bang Media

Shakisha kuri Ino Site

Inama utari uzi ku mibonano mpuzabitsina

Ubuhamya:uko nari nivuganwe n’abatinganyi

http://igitsina.topstories24.com
Ahagana saa kumi n’imwe n’igice z’umugoroba (17h30) kuwa Gatanu tariki 10 Ukwakira nibwo nasoje akazi kanjye nk’uko bisanzwe, ntega moto ngo nerekeze I Nyamirambo.
 
Bitewe n’akazi nkora ka buri munsi k’ubunyamakuru, nasabye umumotari wari untwaye kwihuta kugira ngo ngere ahitwa i Matimba mbere ya saa kumi n’ebyiri kuko nifuzaga kureba ishusho y’uko haba hifashe muri ayo masaha dore ko ari kamwe mu duce tugize Umujyi wa Kigali tuba dushyushye cyane ndetse tuniganjemo urujya n’uruza rw’abantu, cyane cyane mu masaha akuze.

Umumotari wari untwaye yarabyubahirije ku buryo nahageze isaha nifuzaga zibura iminota 10. Bitewe n’uko nahageze isaha nifuzaga itaragera, nta gihunga nari mfite; byatumye mfata utwumvisho (ecouteurs/ headphones) twanjye, nshyira mu matwi ntangira kumva umuziki utuje.

Ubuhamya:uko nari nivuganwe n’abatinganyi
Iyo ndi mu kazi mba mfite amahoro, simba nteganya guhura n'ibyago nk'ibyo nabonye
Agace ninjiragamo ka Matimba gaherereye ibumoso bw’umuhanda w’amabuye uri ahitwa kwa Mutwe, agace kazwiho indaya nyinshi, abasinzi, abanywi b’urumogi n’ibindi bikorwa bitamenyerewe mu bindi bice bya Kigali birangwamo umutuzo nka Remera, Nyarutarama, Kimironko n’ahandi.
Muri uko kurangazwa n’urujya n’uruza rw’i Matimba, ndetse n’uburyohe bw’umuziki wisukiranyaga mu matwi yanjye, nararanganyije amaso mbona umutinganyi n’umutinganyikazi nigeze gukoraho inkuru bicaye ahantu nari ngiye kunyura.

Aho bari bicaye, banywaga inzoga kandi nkurikije uko nababonaga kari kamaze kubageramo.
Numvise ubwoba buntashye niyumvamo urwicyekwe rwinshi kubera ko mbere y’uko mbona aba batinganyi hari mugenzi wabo wari wabanje kumpamagara kuri telefoni antuka ibitutsi nyandagazi, yewe anambwira ko ngiye kuzahura n’ibibazo bikomeye.
Inkuru natukirwaga ni iyo nari mperutse kwandika igaragaza uburyo bari bakubitiwe mu bikorwa by’ubukangurambaga bwamamaza ubutunganyi bahora bakora mu rubyiruko rutandukanye mu Murenge wa Rwezamenyo.

Nkisubiza ubwenge ku gihe nkatekereza ku nkuru nigeze gukora ndetse n’ibibazo ishobora kunteza, nitegereje abo bantu mbona babaye nk’abongorerana, ako kanya umwe atera ejuru ati “tugakubite”.
N’ubwo nagize ubwoba ntibyambujije gukomeza kugenda, gusa igihunga cyari cyose kuko uretse no mu Rwanda, ibisigaye byarateye by’abatinganyi ntawe bitatera ubwoba, dore ko basigaye bakoresha imbaraga nyinshi ngo bemerwe, bityo icyagaragara ngo gukoma mu nkokora iryo shyaka ryabo, bakirwanya bivuye inyuma.
Ntibyatinze bampamagara…’Thamimu” ndirengagiza ndakomeza ndagenda…’Thamimu’ numva birakomeye nkura utwumvisho mu matwi, kugirango nkomeze ndyamire amajanja, ariko ndabirengagiza ndakomeza ndagenda.
Bamwe mu baturage bari aho n’abari biriwe bumva imigambi y’aba batinganyi bakibona manuka muri iyo nzira bahise bankurikiza amaso ngo birebere koko niba ndi bukubitwe dore ko abaturage benshi bazi ko umunyamakuru aba afite ubudahangarwa ku buryo nta muntu uwo ari we wese ushobora gupfa kumuhohotera.
Ubuhamya:uko nari nivuganwe n’abatinganyi
Imwe mu mafoto y'inkuru nari nzize, ubwo abatinganyi bakoraga ubukangurambaga
Ubusanzwe sinkunda umuntu untuka kuko niyiziho kuvoma hafi, gusa uwo munsi, umwe muri abo batinganyi yantutse ibitutsi bikomeye, ariko ndihangana ndakomeza kuko nari mfite impungenge ko mpagaze, nashobora guhura n’uruva gusenya.
Mu gihe nabonaga ndi hafi kurenga aho bari bicaye, numva rwose ntekanye dore ko hafi aho hari abaturage, abahisi n’abagenzi, nibwo nagiye kumva numva nkubiswe ikintu kiremereye mu bitugu, nsubije amaso inyuma mbona ni agataburete (tablette)!
Nabaye nk’uzungera gato, mpita nikubita hasi, nishyiramo akanyabugabo ngo mbyuke, umwe ahita ankubita umugeri nabonaga yaboneje ku myanya ndangagitsina, ariko ahamya mu ivi.
Ako kanya nabaye nk’ucitse intege, mara akanya gato nicaye hasi ngo mbanze nsobanukirwe ibimbayeho, nibwo bampagaze hejuru basakuza;
Umwe ati “ni gute wagiye kutwandika mu itangazamakuru?”
Undi ati “ubu tugiye kukwiyereka”.
Aho nari nicaye hasi, umutima uratimbaguza ngo pi pi pi, ngo njye kumva numva....

igihe.com
 
 Kurikira http://igitsina.topstories24.com kuri facebook
http://www.facebook.com/Igitsina(Groupe)
http://www.facebook.com/Igitsina(Page)
Shyiraho Igitekerezo!

Related Posts by Categories



0 comments:

Post a Comment