Bang Media

Shakisha kuri Ino Site

Inama utari uzi ku mibonano mpuzabitsina

UBUHAMYA BW'UWIKINISHIJE: UMUTI WO KUVA KU NGESO YO KWIKINISHA

http://igitsina.topstories24.com
 Natangiye kwikinisha mfite imyaka 12, mu by’ukuri ntabwo nari nzi igikorwa ndimo gukora icyo aricyo nta na byinshi nari nkiziho gusa uko nakomezaga gukura nko ku myaka 14-15 hari n’igihe nikinishaga gatatu ku munsi, ariko uko narangizaga nicuzaga impamvu nabikoze ako kanya nkahita mbizinukwa.

Ariko ubwo hashira akanya nkongera kubyifuza, icyo gihe nigaga mu wa 2 muri secondaire ariko byangizeho ingaruka zikomeye kuburyo nifuzaga abakobwa nka buri minota itanu, ku mukobwa nakururwaga na buri kantu kose nkahita mbyifuza, yewe n’iyo yabaga ari umusazi wiruka mu muhanda.

Abagabo benshi bakunda kuvuga ngo kwifuza abagore ni ibintu bisanzwe, yego nibyo ariko hari aho bigera ntibikibe ari ibisanzwe ukabona birakabije byarenze urugero.

Ubwo mu myaka nka 14-15-16 nakundaga guhora kuri internet, ngaho za pornographies n’ibindi ndetse n’agafoto k’umukecuru sinagasigaga ariko nari naramaze guta umutwe nkumva ndiyanze, nkumva sinshaka kujya mu bandi bana, nkigunga mbese mu mutwe narimaze kwangirika.

Ubwo nagerageje kujya kuri internet dore ko nari naragize amahirwe yo kuyigira mu bihe bigoye, ubwo rero njyaho nshaka inama. Nabisomaga ku mbuga za internet z’icyongereza n’igifaransa (ngirango izo mu kinyarwanda zije ejo bundi) zimwe zavugaga ukuntu ari bibi n’ingaruka zabyo, izindi nazo ugasanga zirabishishikariza ugasanga na comments abantu bandikaga bamwe bashima icyo gikorwa abandi bakigaya.

Ariko nshuti zanjye dufatanyije urugendo hano kuri iyi si, nta mahoro nabonye mu kwikinisha, bavuga ngo bikurinda gushaka gusambana ariko birabikongerera rwose. Burya ikintu ukora kikakurya umutima kikakubuza amahoro, icyo kintu ntabwo aba ari cyiza pe.

Ubwo rero nakomeje kwiga nigana n’ibibazo byo mu mutwe ndwana nabyo, ndababwiza UKURI ko nabuze amahoro, naranzwe n’ubwigunge mu mikurire yanjye kandi iwacu ntacyo twari tubuze.

Ubwo ngiye kujya muri kaminuza Data yaranyicaje ariko natangajwe n’ukuntu ambwiye ngo ” ntuzikinishe ni bibi “, ubwo nta cyindi yambwiye. Nagiye muri kaminuza ngira Imana niga n’ahantu heza ino, ariko mporana icyo kibazo nigunga. Nagerageje gukurikiza inama zo kuri internet ariko byari byarananiye pe.

Umunsi umwe naje kujya mu giterane kimwe cy’ivugabutumwa, hanyuma umupasitoro arigisha hafashwa benshi ariko ajya kurangiza aravuga ngo umuntu wese ufite icyaha akora yihishe, aranavuga ngo “iwe mu cyumba” ngo najye imbere bamusengere. Ubwo ntinya kugenda ariko nabonye urusengero hafi ya rwose rugiye imbere, nanjye ndaboneza ndagenda.

Uwo munsi sinzawibagirwa kuko hari abo basengeraga nkabona baguye hasi, nanjye baransengeye ariko naratashye mara nk’ukwezi nta ntocyi nikoza ku gitsina, ariko byaje kongera mu mutwe birivanga.

Ariko umunsi umwe narapfukamye, kandi si uko nari umuntu usenga cyane pe. Ni uko ndagiza ubuzima bwanjye Imana ndayitakambira pe.  Kuva ubwo byagiye bigabanuka kugeza aho nanabikoraga ngahita nicuza ngapfukama ngasaba Imana imbabazi, ubuzima bugenda busubira mu buryo, ngira inshuti haba abakobwa ndetse n’izabahungu, ntangira kwiha icyizere no kugira icyerekezo mu buzima bwanjye.

Icyo nandikiye iyi nkuru ni uko satani akenshi yica umuntu amuhereye mu bitekerezo, nibyo koko buri wese agomba kunyura mu gihe amaraso aba ashyushye (aba jeunes) mbese muri cya gihe cy’ubugimbi ariko iyo utitonze satani abyuririraho akakumvisha ukuntu buri kintu cyose ari normal ugashiduka wataye vision, ukisanga utari umuntu wigirira ikizere cyangwa ngo ukigirirwe.

Hari bagenzi bacu benshi bashaka ariko bagakomeza gukora icyo gikorwa ugasanga uwo babanye ntabyishimiye. Hari bajyenzi bacu kwikinisha bitera solitude (kumva uri wenyine), kwigunga bikaba byakuviramo no kwiyahura.

Icyo nabasaba nshuti basomyi b’uru rubuga umuti nyawo wo kureka ubwo buryo bw’ubusambanyi ni ukwiragiza Nyagasani akakuyobora mu nzira ye. Murakoze.

Kurikira http://igitsina.topstories24.com kuri facebook
http://www.facebook.com/Igitsina(Groupe)
http://www.facebook.com/Igitsina(Page)

Shyiraho Igitekerezo!

Related Posts by Categories



0 comments:

Post a Comment