Bang Media

Inama utari uzi ku mibonano mpuzabitsina

U Bwongereza: Lady Gaga arasaba abatinganyi gukundana batikandagira

http://igitsina.topstories24.com
Ubwo yakoreraga ibitaramo mu Bwongereza mu ntangiriro z’iki cyumweru Lady Gaga yeruye ko ashyigikiye ubutinganyi ndetse asaba abo muri iki gihugu gukundana ntacyo bikanga ngo kuko ntacyo bitwaye kuba abahuje igitsina bakundana.

Nk’uko Huffington Post ibitangaza, ubwo uyu mukobwa yari mu bitaramo yise artRAVE: The ARTPOP Ball mu Bwongereza, Lady Gaga yagiye ku rubyiniro maze mbere y’uko aririmba indirimbo ye yitwa "Born This Way" ahamagara umusore w’umutingayi afata nk’inshuti ye bisanzwe amusaba ko yahamagara mugenzi we bakundana akamusaba ko bazibanira ubuziraherezo imbere y’abafana.

U Bwongereza: Lady Gaga arasaba abatinganyi gukundana batikandagira
Lady Gaga ashimira aba basore ubwo bari bamaze kwemeranya kuzabana akaramata
Jay yishimiye guhamagara umusore bakundana witwa Shaun maze amusaba ko yamwemerera bakazabana akaramata. Jay yasabye umusore ko yamwerera bakazabana mu ruhame nk’uko Gaga yari amaze igihe abibasaba dore ko bari bamaze igihe bakundana.

Nyuma y’uwo muhango Gaga yaboneyeho kubwira abafana bari bitabiriye igitaramo cye ko yishimiye aba batinganyi ndetse anabifuriza kuzagirana ibihe byiza mu mubano wabo.

Yagize ati, “Ni bintu byiza ko ku Isi yose hari abatinganyi, abantu bakundana ndetse bafite inzozi bifuza kugeranaho [...] Mukomeze mukundane kandi mugaragarizanye urukundo nk’uko n’abandi bose bakundana babigenza. Mbifurije urukundo rurambye ndetse n’ibyishimo mu rukundo rwanyu”
Aba basore bombi bamaze kwemeranya kuzabana, Lady Gaga yahise abaririmbira iyo yise ’Born This Way’

Hari ibindi bitaramo by’abahanzi byagiye biberamo umuhango wo kwemeranya kubana hagati y’abatinganyi. Mu minsi yashize hari abatinganyi bagiye ku rubyiniro bemeranya, hari mu bitaramo bya Garbage, Macklemore & Ryan Lewis.

Mu mwaka wa 2011 Kylie Minogue yakoreye igitaramo ahitwa Perth muri Australia maze ahamagara umutinganyi witwa Benjamin McHardy guhamagara umukunzi we Scott Goodhill bakemeranya kuzabana akaramata.

Kurikira http://igitsina.topstories24.com kuri facebook
http://www.facebook.com/Igitsina(Groupe)
http://www.facebook.com/Igitsina(Page)
Shyiraho Igitekerezo!

Related Posts by Categories



0 comments:

Post a Comment