Bang Media

Dusabane

Inama utari uzi ku mibonano mpuzabitsina

Menya Ikiba mu Masakoshi Abakobwa Bitwaza

Menya Ikiba mu Masakoshi Abakobwa Bitwaza
Amasakoshi akunze kugendanwa n’abagore n’abakobwa, rimwe na rimwe ugasanga anabaremereye ateje amatsiko n’urujijo benshi mu bagabo, abasore ndetse na bamwe mu bakobwa batayagendana mu mujyi wa Kigali.

Mu buryo bugezweho, umubare munini w’abifite cyangwa babikunda ugura amasakoshi asa n’imyambaro yabo.

Hari abagira amatsiko yo kumenya ikiba kiri muri ayo masakoshi, mu gihe banyir’ukuyagendana, bihagararaho bavuga ko badakunda uwarebamo atabiherewe uburenganzira, ndetse bakaba bazira umuntu wakinisha kuyafungura kuko haba harimo amabanga yabo.

Abagabo n’abasore batandukanye baganiriye na IGIHE mu mujyi wa Kigali bavuga ko kuba abagore bazira uwabarebera mu isakoshi bituma bagira amatsiko kurushaho.

Kassimu umwe mu bagize icyo bavuga yemeje ko kuba umugore yemera kujyana isakoshi muri bwiherero bituma agira amatsiko y’ikiba kirimo.

Yagize ati”Ushobora kuba uri kumwe n’umukobwa muziranye bya hafi, mwagera ahantu hari ubwiherero akaba yaguhereza ibindi byose afite mu ntoki ngo umufashe, ariko isakoshi akayinjirana. Ibyo bituma nibaza ikiba kirimo, bikandenga”.

Rusagara utwara abagenzi mu modoka yongeyeho ati ”Ushobora kuba ufite umukobwa w’inshuti yawe, ariko kugirango atume ureba mu isakoshi ye biba bikomeye, aramutse asanze urebamo mushobora no kubipfa. Iyo mbonye ukuntu bayatwara rimwe na rimwe ukabona n’ukuntu aba aremereye bituma ngira amatsiko y’ibyo baba bapakiyemo”.

Ibitara amatsiko muri ayo masakoshi ni ibiki ?

Benshi mu bitwaza amasakoshi bavuganye na IGIHE bemeza ko nta kidasanzwe batwara mu masakoshi, uretse ko banga umuntu wabavogera.

Amwe mu masakoshi aba ajyanye n'imyambaro

Nikuze ukora akazi ko kudoda mu mujyi wa Kigali, yavuze ko uretse umugabo we cyangwa inshuti ye ya bugufi cyane, yanga umuntu wamurebera mu bintu.
Nikuze yagize ati « Nta kidasanzwe ntwara mu isakoshi, haba harimo ibyangombwa byajye, harimo amavuta yo kwisiga, n’utundi dukoresho tw’isuku hamwe n’amafaraga. Ariko sinkunda umuntu warebamo tutabyumvikanyeho. »

Mukarukundo wiga muri Kaminuza, yongeyeho ko ntawe ukwiye guterwa amatsiko n’ibitari ibye agira ati « Sinumva impamvu bagira amatsiko, kuko ntacyabo kiba kiri mu isakoshi y’umuntu, ubwose ko twebwe tutagira amatsiko yo kumenya ibyo baba bafite mu ikofi (Porte monnais). Amatsiko bagira ku ruhande rumwe afite ishingiro kuko agapfundikiye kose gatera amatsiko.

Yongeyeho ati « Nkajye iyo mbonye umuntu andebera mu isakoshi birambabaza cyane n’ubwo nta kintu gihambaye kiba kirimo. »

Benshi mu bavuganye na IGIHE bavuga ko kuba badakunda ubavogerera amasakoshi biterwa no kwiyubaha no kugira ibanga.

Bimwe mu bintu bemeza ko biba biri kenshi muri ayo masakoshi.

1.Ibyangombwa( Carte d’identite)
2.Amavuta yo kwisiga(Mu ntoki cyangwa ku munwa)
3. Ibikoresho by’isuku no kwiryoshya (Maquillage )
4. Imiti igabanyaububabare(Aramutse arwaye umutwe cyangwa akagira ubundi bubabare butunguranye)
5. Ikaramu n’agakayi gato(Aka gakayi ngo bakandikamo gahunda zabo za buri munsi, ibyababaje n’ibyabashimishije na nimero za telefone).
6. Inkweto ziciye bugufi(Mu gihe yambaye ikweto ndende yitwaza ingufi)
7. Umubavu
8. Amabara yo gusiga inzara.
9. Igitambaro cyo kwifubika
10. Umuti w’amenyo n’uburoso bwo kuyoza
11. Cotex

igihe.rw
Kurikira Igitsinakuri facebook
http://www.facebook.com/Igitsina(Groupe)
http://www.facebook.com/Igitsina(Page)
Shyiraho Igitekerezo!

Related Posts by Categories



0 comments:

Post a Comment