Bang Media

Dusabane

Inama utari uzi ku mibonano mpuzabitsina

Brezil: Indaya zizemera amakarita yo kwikopesha ku bakiriya

 Indaya zizemera amakarita yo kwikopesha
Brezil 2014 : Indaya zizemera amakarita yo kwikopesha ku bakiriya (Credit Cards)


Mu gihe mu gihugu cya Brezil hazabera igikombe cy’Isi cy’umupira w’amaguru, indaya zo mu mujyi wa Belo Horizonte, hamwe mu hazabera iyi mikino, zatangaje ko hazakoreshwa ikoranabuhanga ry’amakarita yo kwikopesha (credit cards) mu kuzishyura.

Muri leta ya Minas Gerais ngo aba bakobwa bakora uburaya bazahabwa imashini zakira aya makarita nyuma y’uko babyumvikanyeho na banki.

Umwe muri aba witwa Cida Vieira wo mu ishyirahamwe rya Aprosmig, yasobanuye ko hari amahirwe kuri ubu buryo bushya bwo kwishyura ati “abakiriya bazashaka gukomeza gahunda yabo ariko badafite amafaranga yo guhita bishyura ngo bagumane n’umukobwa igihe kirekire ntakibahagaritse bazahungukira.”

Ishyirahamwe ry’aba bakora uyu mwuga ryemeza ko hazabaho umutekano w’abakiriya ndetse n’amafaranga yabo kuri banki kandi ngo ntihazajya hamenyeshwa icyo yakoreshejwe. Ubu ngo babyise "Enjoy now, pay later" (ishimishe aka kanya, wishyure nyuma).

Iri shyirahamwe rya Aprosmig rifite urubuga rwa Facebook aho ryashyize ubwoko bw’imashini izifashishwa nubwo bitazwi neza niba ari yo koko.

Mbere kandi y’uko iki gikombe cy’Isi cy’umupira w’amaguru gitangira, aba bagore bari kwiga ururimi rw’Icyongereza ngo ruzabafashe kuvugana n’ababagana.
Shyiraho Igitekerezo!

Related Posts by Categories



0 comments:

Post a Comment